मैत्री एक मखमली धागा भाग १

मी जरा स्पष्टवक्ती आहे हे तुम्हाला माहीतच आहे. माझ्या लग्नात माझा नवरा  लग्नात गोफ पाहिजे म्हणून मारुती वर रुसून बसला होता. माझ्या आई-बाबांना तर घामच फुटला. कारण तसे काही ठरले नव्हते. माझ्या आई बाबांची तेवढी परिस्थितीही नव्हती. शेवटी मी तिथे गेले. त्यावेळी नवरदेव नवरी लग्नात आजच्यासारखे लग्नाच्या आधी तर नाहीच पण लग्नातही एकमेकांशी बोलत नव्हते. पण मी माझा हिसका दाखवलाच. त्यांना सांगितले, गोफ वगैरे मिळणार नाही. तुम्ही जसे आले तसे परत जा. "नवरदेवाकडील मंडळी पाहतच राहिली, पण त्यामुळे माझ्या नवऱ्याने पुढे गोफाचे नावच काढले नाही. मला सुरुवातीला त्यामुळे थोडा त्रासही झाला. पण पुढे जाऊन सारे व्यवस्थित झाले."