माझी जीवनसंगिनी!

१५ वर्षांचा संसार त्यांचा. त्या संसाराच्या वेलीवर तीन फूले उमललेली होती. मोठ्या मुलाच्या पाठीवर मुलगी होईल ही आशा होती, पण दुसराही मुलगा झाला. तिसऱ्या मुलाच्या वेळीही त्यांची तीच आशा होती, पण मुलगाच त्यांच्या हातात आला. निलेश मुलीसाठी खूप तरसत होता. काही नातेवाईक म्हणत होते की, 'अरे सोड हा हट्ट. लोकं मुलगा झाला म्हणून आनंद साजरा करतात. तू आहेस की मुलगी व्हावी म्हणून अडून बसला आहेस'. मात्र तो काही सोडत नव्हता. 'मुलगी हवीच' असा हट्ट धरून बसला होता.