मनातल्या मनात
मनातल्या मनात
आपण किती बोलतो
मनातलं प्रत्यक्षात
आपण कुठे सांगतो
मनातल्या मनात
आलेले विचार
लपवतो मनात
नाही करत प्रचार
मनातल्या मनात
असतात खूप गुपित
साठवलेली असतात
एका खोल कुपित
मनातल्या मनात
कधी भरून येत आभाळ
वाटे वीज बनुनी गर्जावे चारचौघात
मग मनच सांगत जरा सांभाळ
मनातल्या मनात
असतात असंख्य स्वप्न
एका मागून एक प्रत्यक्षात
उतरवणे हाच काय तो प्रश्न !!
मनातल्या मनात
असत एक प्रेम
फक्त त्याच प्रेमाच्या मनात
असलं पाहिजे सेम
मनातल्या मनात
सूर जर जुळले
दोघांच्या मनात
तर प्रेमाचे अंकुर फुलले
मनातल्या मनातलं
ओळखायचं कसं ?
शब्दांविना आवाजातलं
मनापर्यंत पोहचायचं कसं ?
मनातल्या मनाची
असतात खूप कवाडं
मनाच्या कुलुपाची
उघडावी कशी कोयाड
मनातल्या मनाचा
आहे एक गुप्त रस्ता
कळला ईशारा डोळ्यांना डोळ्यांचा
तर तुम्ही आम्ही काय करता !!!
© शीतल महामुनी माने