मनीषा - लढा अस्तित्वाचा.भाग.२६

जीवनात तरी काय वेगळे आहे? आपल्या शांत जीवनातही, अश्याच ढगांची गर्दी होते. मनातले वादळ अचानक आपले बंध तोडतात. आणि आपण खंबीर असल्याचा आव आणत असतो. पणं, अचानक आपला संयम गळून जातो. आणि अश्रू रुपात पाऊस बरसतो. वेगळे असे काहीच नाही. हा पाऊस कधी आल्हाददायक वाटतो. तेव्हा, त्याच्या सोबत आपण चहाचा गरमागरम कप घेवून, आपला आनंद व्यक्त करतो. काही आल्हाद दायक आठवणींना उजाळा देतो. आणि हा असा मेघ गर्जनेसह धुंवाधार कोसळतो. तेव्हा, आपण आपल्याही नकळत, आपले दुःख त्याच्या सोबत वाटत असतो.'

आत्ता, काही क्षणापुर्वी, हा पाऊस मला हवा हवासा वाटत होता. तेव्हा मी दादा' वहिनीच्या कार्यक्रमाच्या तयारीत, आनंदउत्सव साजरा करत होते. आणि आत्ता, हाच पाऊस, मला माझ्या भूतकाळातील काही नको असलेल्या क्षणांना आठवण्यास भाग पाडतोय. मला नकोसा वाटतोय.'
कारण, मी आत्ताच तर, रडून मोकळे झाले होते ना?
थोड्या वेळापूर्वी हवाहवासा वाटणाऱ्या या पावसाच्या अतोनात बरसण्याने, मला आता मात्र, प्रचंड दुःख होत आहे.'