मानसिकता भाग ... २ अंतिम भाग

“आली गेलेली कशाला देतील? चांगली विकत घेतली आहे. नाही आवडली तर बील घेऊन जा, बदलून आण. लीलाताईला काय निमित्ताने देणार?.…घडी मोडायला सांग, त्यांनी मला चार चारदा बजावलं आहे. स्वरानेसुद्धा तुम्हाला सुंदर कशिदा केलेली शाल दिली शिवाय पाकिटात पैसे पण घातले आणि तुम्ही तिच्या लग्नात नितीनला दिवाळीत गिफ्ट मिळालेली क्रोकरी द्यायला सांगत होतात. तिने तुमच्यासारखा विचार केला असता तर चाललं असतं का तुम्हाला? इतकं व्यवहारी राहून कसं चालेल. अशाने लोकं नावं ठेवतात, नितीन चांगल कमवत असूनही लीलाताई अशा का वागतात म्हणतात. आलं गेलेलं आयुष्याला पुरत नाही. मिळत नाही म्हणून कोणी कोणाला काही देत नाही त्यामागची भावना महत्वाची. सगळ्यांनी तुमचा व्यवस्थित मानपान केला आहे. तुम्ही मात्र अजून आमच्या लग्नात आलेल्या आहेरात अडकला आहात. जरा नीट डोळे उघडून जुन्या, नव्या डायऱ्या तपासा.” नेत्रा बऱ्याच दिवसांपासून मनात साठलेला त्रागा आवरू शकली नाही.