मंतरलेले अंतर

इकडे समीर ने काही वर्षे एका नामांकित कंपनीत नोकरी केली. नंतर त्याने स्वतःची एक फर्म सुरू केली. त्यालाही खूप चांगला प्रतिसाद मिळत होता. भरपूर पैसा, मानमरातब, सगळं काही भरभरून मिळत होतं. पण कधी कधी दैव आपल्याला आपली जागा दाखवते, जमिनीवर आणते. समीरच्या बाबतीतही हेच झाले. फर्ममधील त्याच्या अत्यंत जवळच्या विश्वासू माणसाने त्याचा विश्वासघात केला, आणि फर्म बंद करावी लागली. आर्थिक अडचण अशी काही आली नाही. मयुरी चा व्यवसाय जोमाने सुरू होता. आई-बाबांची पेन्शन देखील होती. आर्थिक दृष्ट्या तो परिवार समृद्धच होता. समीरने परत नोकरी करावी असे सर्वांचेच मत होते.