अनुबंध पुस्तक समीक्षण

'सुनीतीची सासू' या नावातूनच तसा कथेच्या विषयाचा अंदाज येतो. सुनीतीचं लग्न ठरण्यापासून ते लग्नानंतरचा काही काळ दाखवणारी ही लहानशी कथा आहे. यातलं ठळक पात्र म्हणजे तरुलताबाई, अर्थात सुनीतीची सासू! या तरुलताबाई म्हणजे अतिशय कर्तबगार, बुद्धिमान, संपन्न असं व्यक्तिमत्त्व. मात्र सतत स्वतः सगळीकडे पुढेपुढे करणं, नेहमीच तरुण किंवा खेळकर असल्यासारखं वागणं आणि इतरही काही गोष्टींमुळे सुनीती अन् तिच्या नवऱ्याची अवस्था मोठ्या वृक्षाखालील खुरटलेल्या रोपासारखी झाली आहे असं सुनीतीला वाटतं. ते का? चूक की बरोबर? कर्तबगारी अशीही असते? या प्रश्नांची उत्तरं शोधण्यासाठी कथा वाचून बघायला हवी.