मैत्रेय भाग १

"त्याच्यापासून दूर राहण्याचा प्रयत्न करूनही त्याच्याजवळच जाते. मी त्याच्या आठवणीत जगते. काय जादू आहे त्याच्यात? की त्याच्याशी बोलताना मन माझं हरवून जातं. खूप बोलावसं वाटतं. थोडं रागावावं, थोडं हसावं पण त्याच्यासोबत. त्याचा सहवास हवाहवासा वाटतो. मी त्याच्याकडे ओढली जाते."
     
"त्याच्या चेहऱ्यावरचे भाव-भावना अलगद मला मोहरतात. त्याचं हास्याचं गुपीतचं वेगळं आहे. का मला त्याचा भास होतो? या विचारांत माझं मन रात्र रात्र जागतं. नक्की काय होतं मला? कधी कधी मला वाटते मी वास्ताविक जगात आहे की काल्पनिक दुनियेत? या क्षणांना नक्की बोलू काय? हे तर प्रेम नाही ना?"
      
"माझं मन खूप वेगळं आहे. त्याचं मन जाणून घेता घेता मी कधी त्याच्या प्रेमात पडले हे मला कधीच कळले नाही. मी जसं त्याच्या प्रेमात आहे तसा तोही असेल ना? याचं उत्तर मी त्याच्यात शोधते. प्रेमाला कोणतीच भाषा नसते, कोणतेही बंधन नसते. प्रेम हे अपार आहे ते कधी होईल, कुठे होईल सांगता येत नाही."