आधार हक्काचा - भाग -४

साजिरी या गोष्टीचा खूप विचार करत होती. तिला सध्या एक भक्कम आधाराची गरज होतीच. कारण तारुण्यात असताना एकाकी जीवन जगणे तिला असह्य होत होते. शिवाय पदरी दोन मुली होत्या त्यांचे संगोपन करणे तसेच अंथरुणाला खिळून असलेल्या वडिलांची सेवा करणे, त्यांचे आजारपण बघणे आणि सगळ्या अडचणींवर मात करणे तिला खूपच कठीण जात होते. तिच्यासोबत तिच्या मुलींची फरफट होऊन त्या बिचाऱ्या निरागस मुली विनाकारण होरपळून जात होत्या. नर्मदामुळे साजिरीकडे एक संधी चालून आली होती.