नाती जिव्हाळ्याची - भाग ८

सुजय खूप बिझी झालेला पण त्यातून वेळ काढून तो तन्वीला भेटण्यासाठी मुंबईला गेला होता तो म्हणाला, “माझे स्वप्न पूर्ण झाले आहे, आता तुझे वडील मला नाकारू शकणार नाहीत. बघ काही दिवसात तेच आपले लग्न लावून देतात की नाही. काही दिवसच थांब. अन् हो.. जरी ते आपल्या लग्नाला तयार झालेच नाहीत तर मी तुला एकटीला कधी सोडणार नाही. त्यांची संमती घेण्याचा प्रयत्न करूच अन्यथा आपला निर्णय आपण घेऊ. पण तुझी संमती आहे ना यासाठी?”