आधार हक्काचा - भाग - ३

साजिरीने नवऱ्याचा खूप शोध घेतला पण आठ वर्षे होऊन गेली तरी त्याचा काहीच पत्ता लागत नव्हता.
मनाने खचलेल्या सजिरीला एकटेपणा खात होता. तिला आता एका भक्कम आधाराची उणीव भासत असे.
अशातच एक दिवस वयाने तिच्यापेक्षा थोडीशी मोठी असलेली तिची शेजारीण नर्मदा घरात येऊन बसली. दोंघीच्या गप्पा सुरू असताना नर्मदा तिला म्हणाली, “साजिरी.. आगं अशी एकटी किती दिस ऱ्हाणार गं बाई? या दुनियेत तरण्या ताठ्या बायनं जगणं म्हंजी इस्तवासंगं खेळण्यागत हाय बघ!”