नकळत धागे जुळती भाग - चार

"आईऽऽऽ. ती काहीही बरळत नाहीये गं. योग्य तेच बोलतेय. या वयात जोडीदारची साथ गरजेची असते गं. तुझा एकटेपणा आम्हाला सहन होत नाही. कमी वयात तुला हा एकाकीपणा आला. बाबा गेल्यानंतर खरचं तू तुझ्या मनासारखं जगलीस का? लोकांना समाजाला घाबरून मनाविरुद्ध जगली आहे. हे कर ते करू नको. विधवाने इथे जाऊ नको, असे कपडे घालायचे नाही.. केसांमध्ये गजरा माळायचा नाही. हेच ऐकत मोठं झालोय आम्ही.. कळत नव्हतं तेव्हा पण आता आम्हाला विचार करण्याची क्षमता आहे. काय चांगल काय वाईट हे आम्हाला कळते. आम्ही तुझा सुना गळा आणि रिकामं कपाळ पाहू शकत नाही. तुला ही जगण्याचा हक्क आहे." विभा वसुंधराला समजवण्याचा प्रयत्न करत होती.