प्रेम की आकर्षण? भाग १

तर हे अनय आणि रजिता. रजिता कॉलेजच्या शेवटच्या वर्षात शिकत होती. तर अनय काही महिन्यांपूर्वीच नोकरीला लागला होता. एकाच कॉलेजमध्ये असल्याने ओळख झाली आणि मैत्रीच्या नात्याला कधी प्रेमाचे वळण मिळाले हे त्यांनाही समजले नव्हते. अनय कॉलेजमध्ये असताना दोघांच्या भेटीगाठींना काही बंधनच येत नसे. बरेचदा लेक्चर चुकवून कधी कॅन्टीनमध्ये, कधी कॉलेजच्या बागेत, कधी बाहेरच्या कॅफेमध्ये तर कधी सिनेमाला जाणे वगैरे सुरूच असायचे. या काळात दोघांचे प्रेम चांगलेच बहरले होते. त्यामुळे भेटणे, कॉलवर बोलणे, मेसेजेस करत राहणे,.. हे सगळे काही त्यांच्या आयुष्यातील अविभाज्य भाग झाला होता असे म्हटल्यास वावगे ठरणार नाही.