प्रेम की आकर्षण? भाग ३ अंतिम

“खरंच अनय, मी नक्की तुझ्यावर प्रेम करते का असा प्रश्न पडतोय आता तुला? मी हा सगळा टाईमपास करतेय असं वाटतंय का तुला? मुळात तू हे बोललासच कसा? आय नो, आय लव्ह यू! पण मलाही सेल्फ रिस्पेक्ट आहे. तुझ्या भावनांची कदर करता करता मी माझ्या भावनांना मारू शकत नाही. मी कितीही प्रेमात असले, तरी मला माझ्या मर्यादांचं चांगलंच भान आहे. मर्यादा ओलांडून मी फक्त घरच्यांच्याच नाही, तर स्वतःच्याही नजरेतून उतरेन. आता तू कदाचित असं म्हणशील की प्रेम करताना नाही का असे विचार सुचले; पण हो... प्रेमात पडताना, वागताना मी नेहमीच दोन्ही नात्यांचा विचार करून वागलेय. घरच्यांना कसं तयार करायचं या नात्यासाठी हा मोठा प्रश्नच आहे खरंतर; पण मी मात्र आता माझे काही एथिक्स सोडून वागू शकत नाहीये.” भरभर इतके बोलून तिने दीर्घ श्वास घेतला.