मातृत्व (प्रारब्ध)

सदाशिवराव आणि मालती यांना दिक्षा एकुलती एक मुलगी होती, तिचं बारावी पर्यंतच शिक्षण झालं होतं. ती खुप हुशार होती पण बारावीची परीक्षा झाल्यावर ती मैत्रीणींसोबत फिरायला गेली होती तेव्हा तिचा खुप मोठा अपघात झाला होता आणि त्यातच तिची गर्भ पिशवी निकामी झाली होती आणि ती कायमचं तिचं मातृत्व गमावून बसली होती. त्या एका घटनेने तिला पुढे शिकायची इच्छाच राहिली नाही, घरात बसून टेलरींगचं काम तेवढं ती करत होती. तिच्यातले मातृत्व गमावल्यामुळे तिच्याशी लग्न करायला कोणीच तयार होत नव्हते. त्यामुळे सदाशिवराव आणि मालती यांना दिक्षाची काळजी वाटायची.