मत्सर (भाग:-३)

रूपेश त्याचा हेतू साध्य करण्यासाठी जंगलातील खूप आत मध्ये असलेल्या एका पडक्या मंदिरात आला. त्या पडक्या मंदिरात कोणत्याही प्रकारची मूर्ती नव्हती. तिथे एक मांत्रिक राहत होता. जो की काळी विद्या आणि जादू करत होता. तंत्र,विद्यांमध्ये तो खूप पारंगत होता. त्याने अनेक वर्षे साधना केली होती. ज्या खूप रहस्यमय आणि खतरनाक होत्या. त्याला अनेक सिद्धी प्राप्त होत्या म्हणून लोक त्याला सिद्ध बाबा म्हणायचे. तो काळी विद्या करायचा त्याने पाहिजे ती वस्तू भेटायची पण ती आत्म्याच्या किंमतीवर.