मायाजाल भाग 3

ह्या खुनातसुद्धा हाच हेतू असेल का?त्याच्या रूम मेट्स ना बोलावून घेतलं होतं.त्या चौकशीत काय समोर येईल यावर पुढची दिशा ठरवता येईल.विचार करतच शरद पोलीस स्टेशनला पोहचला.शेफाली आणि समीर आधीच आले होते.कदम चहा घेऊन आत आले,"साहेब,चहापाणी करून घ्या".शरद शेफालीकडे वळत म्हणाला,"तू कॉल डिटेल्स काढलेस का?श्रेयसला शेवटचा फोन कोणाचा होता?"शेफालीने कागद समोर ठेवला,"यात काहीही संशयास्पद आढळत नाहीय सर,शिवाय भावेश शहा गेले महिनाभर देशाबाहेर आहे.त्याचे कॉल नियमित येत होते.ही चर्चा सुरू असताना क्षुधांशु चे मित्र हजर झाले.सगळे प्रचंड घाबरलेले.फिल्म इंडस्ट्रीत काम करणारे ते सगळे तरुण,शरदला त्यांच्याकडे पाहून कीव येत होती आणि वाईट सुद्धा वाटत होतं.किती स्वप्न घेऊन आले असतील मुंबईत?काय काय सोसलं असेल यांनी.सगळे विचार मागे सारत शरदने बोलायला सुरुवात केली,"तुमच्या मित्राच कोणाशी भांडण वगैरे?तेव्हा ते म्हणाले,"सर,जेमतेम पोट भरणारी माणस आम्ही,कोणाशी वैर घ्यायला वेळ आणि ताकद हवी ना?मग त्याला का मारलं गेलं?मागील काही दिवसात त्याने काही खास सांगितलं होतं का? तेव्हा त्यातील एकजण बोलू लागला,"सर,क्षुधांशु खूप स्वप्न घेऊन आलेला,देखणा चेहरा आणि अभिनय आपल्याला सगळं सहज मिळवून देईल असा भाबडा समज होता त्याचा.हळूहळू या इंडस्ट्रीतील सगळं दिसायला,समजायला लागलं पण...तोवर परतीचा मार्ग बंद झाला सर.तो कामाचं जास्त काही बोलत नसे सर..एवढ्यात दुसरा एकजण बोलला,"आमच्यापेक्षा तुम्हाला जास्त माहिती दर्शन पटेल देऊ शकेल.हे दोघे एकाच एजन्सीत काम करत आणि खास मित्र होते..यांना जायला सांगा कदम.माझ्या परवानगीशिवाय शहर सोडून जायचं नाही.
दर्शन पटेल??समीर कुंडली काढ याची.एवढ्यात शेफालीने मॅसेज केला,"मासा तलावात आला".शरद हसला.कदम गाडी काढा,पुढच्या अर्ध्या तासात कदम,शेफाली आणि शरद बाहेर पडले.भावेश शहा,बिग बुल नावाने प्रसिद्ध होता.एवढ्या सहज दाद देईल का तो?कदमांनी शंका व्यक्त केली.शेफाली आणि शरद फक्त हसले.भावेशच्या ऑफिसवर शरद आणि शेफालीने श्रेया बद्दल ब्र सुद्धा न काढता चौकशी चालू केली.इन्कम टॅक्स कडून आलोय ही मात्रा लागू झाली.तो बोलत असताना शेफालीने कॉल डिटेल समोर मांडले,"श्रेयस पाटील या नंबरवर तुम्ही रोज बोलत होता?नाव ऐकताच भावेश सहज हसत म्हणाला,"तो सेक्रेटरी आहे माझा".आहे??मग कुठेय?शेफाली हसली.आज आला नाहीय का?आता मात्र भावेश फसला होता.मॅडम गेले चार दिवस त्याचा फोन लागत नाहीय.बहुतेक तो बाहेरगावी असावा!शरद म्हणाला,"बहुतेक?तुमचा सेक्रेटरी तुम्हाला सांगून जात नाही का?आता भावेश अडकला होता.शरदने सरळ ओळख सांगितली,"तुम्ही सहकार्य कराल तर तुमचं नाव मीडियात येणार नाही".मी सगळं सांगतो साहेब पण..इथे नको.ठीक आहे.मी बोलावले की या!सर्व माहिती सकट. शरद आणि शेफाली बाहेर पडल्यावर भावेशने घाम पुसला आणि पहिला फोन बॉबीला लावला,"बॉबी प्लिज मला भेट".पलीकडून फोन कट झाला.