मायाजाल .. भाग ३ अंतिम भाग

वाटीचे प्रमाण, वजनी प्रमाण, चार वाट्या साहित्यात इतके लाडू बनतात तर अर्धा किलोच्या साहित्यात एवढे. अमुक अमुक पदार्थ बनवायला, बेसन भाजायला एवढा वेळ लागला हे सगळं व्ह्यूवर्सना सांगताना आधी विभावरीला स्वतः करून बघावं लागत होत. टिपण काढून ठेवावं लागत होतं. व्हिडिओ बनवा, एडिटिंग करा यात कधी दिवस तर कधी अर्धा दिवस खर्ची होत होता. विभावरी घेत असलेली मेहनत बघून आपल्याला वाटलं होतं तितकं हे क्षेत्र सोपं नाही हे विभावरी बरोबर काम करताना गौरीच्या हळूहळू लक्षात येत होतं.