माझं काय चुकलं भाग ५

परागलाही तिचं प्रेम जाणवत होतं. त्यालाही सीमा आवडत होती. दुःखाशी कसं लढायला हवं? हे तिच्याकडून खरंच शिकण्यासारखं, तिची शिक्षणाची आवड, ती धडपड, ती जिद्द त्याला आवडत होती. परागचंही लग्नाचं वय झालं होतं. त्याला सीमा त्याच्यासाठी योग्य मुलगी  वाटत होती. सीमासारखी सुशील, संस्कारी, घराला, घरातल्या प्रत्येकाला सांभाळून घेणारी अशीच मुलगी त्याला जोडीदार म्हणून हवी होती. सीमा रंगाने काळी होती. हा काही तिचा दुर्गुण नव्हता. सीमा दिसायला फार सुंदर नसली तरी गुणी होती. प्रेमळ होती.  म्हणूनच की काय! पराग तिच्याकडे आकर्षित झाला होता. पण सीमाला त्याच्या मनात तिच्याविषयी असलेलं प्रेम सांगण्याचं धाडस मात्र होत नव्हतं. 

एकदा काय झालं. आईने सीमाला रात्रीचा स्वयंपाक करून ठेवायला सांगितला होता. पण सीमाला बरं वाटत नव्हतं.अंगात कणकण जाणवत होती. म्हणून ती आईला म्हणाली,