माझा आवाज -३

दिवस सरत होते. तडजोडीचं आयुष्य जगता जगता अवंती दिवसेंदिवस अबोल होऊ लागली होती. माहेरी ती हे सगळं सांगू शकली असती आणि कदाचित आईवडिलांनी तिला अंतरही दिलं नसतं; पण तिनेच तिच्या नात्याला वेळ द्यायचं ठरवलं होतं. आज ना उद्या आशुतोषला सत्य समजेल, तो तिला आणि तिच्या कामाला समजून घेईल, त्याच्या बायकोला घरात आणि घराबाहेर दोन्ही गोष्टी सांभाळताना तिची तारेवरची कसरत होतेय हे त्याच्या लक्षात येईल असं तिला वाटलं होतं. त्याच्यासाठी आई आणि बायको दोन्ही नाती जरी महत्वाची असली तरी जे चुकीचं आहे ते तो विचारपूर्वक पाहील. तो त्याच्या आईला समजावून सांगेल पण तसं कधीच घडलं नाही आशुतोष तिच्याकडे पूर्णपणे दुर्लक्ष करत होता. तिची बाजू समजून न घेता तिच्यावरच डाफरायचा. तिच्यावरच ओरडत रहायचा. या सगळ्या गोष्टींना अवंती फार कंटाळली होती.