माझा हक्क....

ते ऐकून तिच्या घरात गोंधळ माजला. राग, तिरस्कार, नाराजी सगळंचं तिला जाणवत होतं. पण सीमाने मनाशी ठरवलं होतंच, आता मी मागे हटणार नाही. पुढचे दोन तीन दिवस तिच्याशी कोणच बोलत नव्हते. नवऱ्याने समजावण्याचा प्रयत्न केला पण तिने तिचा निर्णय बदलला नाही. घर सांभाळून तिने नोकरी करत ही परीक्षा दिली, ज्यात ती उत्तीर्ण देखील झाली. पण ह्यात देखील नवऱ्याची साथ नव्हती. पगार झाला कि तो त्याच्या हातात घ्यायचा आणि हिला लागतील तेवढेच द्यायचा. त्यामुळे ती असा काही निर्णय घेईल ह्यावर त्याचा विश्वास बसत नव्हता.