माझे मन अखेर तुझे झाले _ भाग ५

अशा प्रकारे दहा तोंडांनी लोक बोलत होते. हे सर्व वधुच्या आई बाबांच्या, म्हणजेच सुभाष सावंत आणि सुषमा सावंत यांच्या कानावर पण गेले. त्यांना खूप मोठा धक्का बसला. समिधा तर हे ऐकून गर्भगळीत झाली. सुभाष रावांच्या डोळ्यासमोर पुढच्या चिंता भेडसावू लागल्या. समिधा ही त्यांची सर्वात मोठी लेक होती. तिच्या पाठीवर अजून तीन मुली होत्या. समिधाच्या लग्नासाठी ऐपत नसताना त्यांनी खूप खर्च केला होता. हिचं लग्न मोडले तर आपली खूप बदनामी होईल. मुलगा पळून गेला तरी लोक मुलीलाच दोषी ठरवतात.