माझे मन अखेर तुझे झाले _ भाग ६

कुमार हा सुमनताई आणि श्रीरंग राव यांचा एकुलता एक लेक. श्रीरंग रावांचा वडिलोपार्जित मसाल्यांचा व्यवसाय होता. अगदी दूरदूर वर श्रीरंग गोडबोले यांचं मसाल्यांच्या बाबतीत अग्रगणी नाव घेतलं जायचं. व्यवसाय खूप तेजीत चालायचा. आर्थिक परिस्थिती खूप उत्तम होती. कुमार अगदी सोन्याचा चमचा घेऊनच जन्माला आला होता. असं असलं तरी त्याच्यावर आई बाबांचे उत्तम संस्कार झाले होते. लाडकोड भरपूर झाले तरी शिस्तीच्या वेळी शिस्त. कुमार पण एकुलता एक असला तरी खूप समजूतदार होता. त्यांच्या घरी आध्यात्मिक वातावरण होते. शिक्षणाबरोबर त्याचे देवा धर्मावर पण प्रेम होते. लहानपणापासूनच खूप हुशार होता. कॉलेज मध्ये गेल्यावर पण तो इतर मुलांप्रमाणे धम्माल मस्ती करण्यात रस घ्यायचा नाही. त्याला त्याचे आई बाबा नेहमी सांगायचे,