माझे मन अखेर तुझे झाले _ भाग ९

राजन म्हणाला होता स्वामींच्या आश्रमात सर्व स्तरातले लोक येतात अगदी अशिक्षिता पासून ते डॉक्टर, वकील. प्रत्येक जण तिथे आपापल्या योग्यतेप्रमाणे काम करतात. असं असलं तरी सर्व धर्म समभाव हा तिथे नेहमीच दिसतो. सगळ्यांनी स्वयंशिस्त पाळायची असते. सकाळी पाचला उठून स्वतःचं आवरून नामस्मरण करून इतर कामांना सुरुवात करायची. इथे येताना खाली हात यायचं आणि जाताना खाली हात जायचं. एकदा इथे आलेली व्यक्ती सहसा घरी परतत नाही. जे अगदीच लेचेपेचे असतात ते थोड्याच दिवसात आश्रम सोडून पळ काढतात.