माझे मन अखेर तुझे झाले _ भाग ११

लग्नाच्या आधी चार पाच वेळा कुमार आणि समिधा एकमेकांना भेटले पण समिधाला त्याच्या स्वभावाचा काही थांगपत्ता लागला नव्हता. आज त्यांच्या लग्नाचा दिवस उजाडला होता. मधल्या काळात कुमार आणि राजनमध्ये बरंच बोलणं झालं. राजन ने त्याला समजावून सांगितले की तू लग्न केलं तर ते नीट निभाव. आई बाबांना दिलेल्या वचनाला जाग. एकदा तू ह्या सेवेच्या कामात उडी घेतलीस की तुला बाहेर पडता येणार नाही. अर्थात तिथे आश्रमात गेल्यावर आपल्या घरच्याना भेटण्यासाठी महिन्यातून एकदा सवलत मिळते. काही जण ह्या सवलतीत पण घरच्यांच्या प्रेमाला बळी पडून आश्रम सोडून जातात. स्वामी म्हणतात जे स्वेच्छेने इथे राहतील त्यांचं स्वागत आहे पण कोणीही मनाविरुद्ध इथे राहू नये. अशा कामासाठी मनापासून तयारी हवी. तरच ती व्यक्ती तिचं पूर्ण योगदान देऊ शकते.