माझे मन अखेर तुझे झाले _ भाग १४

मस्करी मस्करीत पण मनोज समिधाला सुचवत होता की त्याच्या आईला ती आवडते. समिधाला वाटलं खरंच का आपण त्यांना आवडतोय. समिधाला पण मनोज मनापासून आवडत होता. इतका श्रीमंत असून सुद्धा त्याला त्याच्या श्रीमंतीचा अजिबात गर्व नव्हता. उलट तो खूप दिलदार होता. अडल्या नडल्याला मदत करायला तो सर्वात पुढे असायचा. तिच्या मनात पण त्याच्या विषयी प्रेमभावना फुलत होत्या. एकदा ते सर्व पिकनिकला गेले असताना मनोज तिचा सहवास जास्तीत जास्त कसा मिळेल हे पहात होता. त्यांच्या प्रेमाबद्दल ग्रुपमधील सर्वांना माहिती होते त्यामुळे ते पण त्यांची मस्करी करून त्यांना एकांत मिळवून देत होते. खूप सुंदर निसर्गाच्या सानिध्यात दोघे एकमेकांचा हात धरून चालत होते. समिधाच्या मनात येत होतं की मनोजचा हा हात असा अखंड माझ्या हातात राहायला हवा. मनोज तर एकदम सातवे आस्मा पे होता. तो तिला म्हणाला,