माझे मन अखेर तुझे झाले _ भाग २४

"काका मी सविस्तर तुला घरी आल्यावर सर्व सांगेनच. तुझा माझ्यावर विश्वास आहे ना. ती वेळच तशी होती की मला पटकन निर्णय घेणं भाग होतं. शिवाय तुला कळवून तिथे बोलवून घेणे एवढा वेळही नव्हता आणि मला ते पटकन सुचलं पण नाही. सगळच खूप घाई गडबडीत झालं आहे. मी तुला कळवलं नाही, तुझी परवानगी घेतली नाही त्याबद्दल सर्वप्रथम मी तुझी माफी मागतो. आता काही वेळातच मी आणि माझी पत्नी समिधा आणि तिच्याबरोबर तिची बहीण असे घरी येऊ. तू आपल्या मदतनीस कला मावशींना बोलावून थोडी तयारी करून घेशील का?"