माझे मन अखेर तुझे झाले _ भाग ३५

अभिराम म्हणाला तसं काहीच ट्रॅफिक लागला नाही. विमानतळावर पोचल्यावर समिधा डोळे विस्फारून पाहू लागली. आयुष्यात पहिल्यांदाच विमानतळ पाहत होती त्यामुळे तिला फार कुतूहल वटत होतं. सखारामने ट्रॉलीवर बॅग्स ठेवून दिल्या आणि तो निघून गेला. समिधा विमानतळावरील वर्दळ पाहत होती. श्रीमंत, मध्यमवर्गीय सर्वच माणसांची लगबग दिसत होती. काही फॉरेनर्स सुद्धा होते. एखादी सेलिब्रिटी व्यक्ती दिसत होती तिच्याकडे सगळे टक लावून पाहत होते. समिधाच्या मनात आलं सोशल मीडियावर टाकायला नाही तरी आपल्या घरच्यांना दाखवायला विमानतळावर दोन-तीन तरी फोटो काढायला हवे. पण ती हे अभीरामला कसं सांगणार. तिच्या मनातलं जाणून अभीराम म्हणाला,