माझे मन अखेर तुझे झाले _ भाग ४१

अभिराम तिथून निघाला तेव्हा त्याच्या मनात आलं ही समिधा पण एक अजब रसायन आहे. तिने मावशींकडे पाहून लगेच त्यांचा चेहरा वाचला. त्यांच्या हातातून काम घेऊन पैसे देऊन घरी सोडायची व्यवस्था करू पाहत होती. तिच्या अशा प्रत्येक कृतीमुळे आपलं मन दिवसेंदिवस तिच्याकडे ओढ घेतंय. तिच्या मनात आपल्याबद्दल काय विचार असतील. तिला झटक्यात श्रीमंती पहायला मिळाली परंतु ती कधीच गैरफायदा घेत नाही. तिच्या घरच्यांसाठी आपल्याला जितकं करता येईल तितकं आपण करायला हवं. तिच्या घरच्यांसाठी असं म्हणणं अयोग्य आहे. तिच्यामुळे आपल्याला प्रेमाची माणसं मिळाली आहेत.