माझे मन अखेर तुझे झाले _ भाग ४५

"आपण नाही बाई तुलाच करायचं आहे." समिधाला हसू आलं. आता कला मावशी पण यायला लागल्या होत्या. समिधाने पुढाकार घेऊन ओल्या मटारच्या करंज्या आणि इडली चटणी नाश्त्यासाठी केली. पुरणपोळ्या इथे सर्वांनाच आवडतात म्हणून आज जेवणासाठी तिने पुरणपोळ्यांचा घाट घातला. सर्व जण खूप खुश होते. जेवल्यावर गप्पा मारण्यासाठी सगळे बाहेर सोफ्यावर बसले होते. समिधा बडीशोप घेऊन येत होती इतक्यात तिचा पाय घसरला आणि ती घरातच जोरात पडली. सगळे तिला उठवण्यासाठी धावले. अभिरामने तिला हात दिला पण तिला काही उठता येईना. तिच्या पायातून खूप कळ येत होती. तिच्या चेहऱ्यावर वेदना आणि दुखण्यामुळे डोळ्यात पाणी आलं होतं. ती अक्षरशः विव्हळत होती. शेवटी बाबा म्हणाले,