माझे मन अखेर तुझे झाले _ भाग ४७

त्याप्रमाणे ती सर्व करत होती. दुपारी ती एकटीच बसली होती तेव्हा तिला आठवत होतं ह्या दहा दिवसांत अभिरामने तिची खूप काळजी घेतली होती. तिच्या पायाबरोबर तिच्या मनाचीही काळजी त्याने घेतली होती. कला मावशी होत्या तरी अभिराम स्वतः जातीने तिला फळं कापून घेऊन यायचा आणि आग्रह करून खायला सांगायचा. घरी आल्यावर तिच्या आजूबाजूला रहायचा. रोज अंताक्षरीमुळे तर तिच्या मनाला खूप आनंद मिळत होता. तिला प्रसन्न वाटावं म्हणून तिच्या बेड शेजारी फ्लॉवरपॉट मध्ये ठेवण्यासाठी सुंदर सुगंधी फुलं घेऊन यायचा. समिधा हे सर्व पाहून भारावून गेली होती.