मी सिंहगड बोलतोय.

४ फेब्रुवारी १६७० ची ती भयानक रात्र. तानाजी राव सगळी खबर काढून जिथे शत्रूचे लोकं कमी असतील अशा गडाच्या मागच्या बाजूला आले. तिथून कोणी चढू शकत नाही असा शत्रूचा अंदाज होता. पण त्यांना तेव्हा मराठ्यांच्या ताकदीचा अंदाज नव्हता. तिथे पोहोचल्यावर काही निवडक मर्दानी मावळे घेऊन तानाजी राव कड्यावरुन वर चढू लागले. इतरांना दरवाजा जवळ थांबण्यास सांगितले. आतून त्यांनी दरवाजा उघडल्यावर बाकीच्यांनी तिथून यायचं ठरलं. काही वेळातच ते कठीण असा कडा पार करून आपले मावळे तानाजी रावांसोबत वर गडावर पोहोचले. पण बघता बघता मुघलांना ह्याची खबर लागली सगळे सावध झाले.