मीच आहे मार्ग माझा - भाग 1

सासरी नव्याचे नऊ दिवस. सासू सासरे मानसी अन धीरज..असं चौघांचं ते कुटुंब. नवीन आलेल्या नवरीला सासूने आधी पारखून घेतलं. ही सगळं सहन करतेय का? की जशास तसं आहे हिचं? पण मानसी संयमी होती. कदाचित इतकी वर्षे कार्पोरेट मध्ये वेगवेगळ्या लोकांशी संपर्क येऊन कसं वागायचं हे तिने चांगलंच जाणलं होतं. सासूचं योग्य असेल तर ऐकून घेत होती पण चुकलं तर चार शब्द सुनावत सुद्धा असे. तिची सासू तशी विचित्र होती, आधीपासूनच श्रीमंती पाहिलेली, शिक्षण कमी, घरात फारसं काम नाही..म्हणतात ना, खाली दिमाग शैतान का घर..तसं काहीसं.. सुनेने काहीतरी वागावं आणि आपण तिच्या चुगल्या करत सुटाव्या याची ती वाटच पाही..पण काही जमेना..सुनेशी सूत जुळवण्याची तिला गरज वाटत नव्हती, कारण मुलगा माझा आहे..माझ्या हातातून जाऊ देणार नाही असा अट्टाहास...

0