मिळावे तुझे तिला आस ही ओठी ३५

भरपूर दुकानात शोधून सुद्धा कमलला हवे असलेले डिझाईनचे मंगळसूत्र मिळाले नव्हते. वेद तिला दुसरे घ्यायला सांगत होता, पण तिला तेच डिझाईन हवे होते. सगळी मोठी मोठी डिझायनर शोरुम पालथी घातली होती, पण मनासारखे काहीच होत नव्हते. आणि जोपर्यंत मंगळसूत्र घेत नाही तोपर्यंत घरी जाणार नाही, याचा तिने नांदाच लावला होता. राजीव कुठल्या शॉप मधुन ऑर्डर करू शकतो, याचा वेद खूप वेळ विचार करत होता. छोट्यामोठ्या दुकानात तर तो जाणार नव्हता, त्याच्या स्टेटसचा प्रश्न होता. खूप वेळ विचार केल्यावर त्याला राधिका ( वेदची सावत्र आई, वेमिकाची आई) आठवली. ती नेहमी एक्सक्लूजीव डिझाईन्स घालत होती. आणि त्याला ती नेहमी जायची ती डायमंड ज्वेलरीची शोरुम आठवली. इथे मिळाले तर ठीक नाहीतर कमलला कसे समजवायचे, याचा तो विचार करत होता.