मिळावे तुझे तुला आस ही ओठी 37

त्याच्यासमोर काही बोलून काहीच फायदा नाही, तिला माहिती होते. जर नकार दिला तर तो चिडून जास्त त्रास देणार, म्हणून तिने गुपचूप तो बॉक्स घेतला आणि आतमध्ये गेली. कदाचित तिला माहिती होते त्यात काय आहे, म्हणून तिने तिथे उघडून बघण्याचे कष्ट सुद्धा घेतले नव्हते. त्यात एक आंतरवस्त्र सारखा झिरझिरीत ड्रेस होत, घातला की नाही घातला, काहीच फरक पडणार नाही असा. पण आता तिला तिच्या शरीरावर असे फार काही प्रेम उरले नव्हते. तो जे सांगेल, जसे सांगेल ती ते करत होती. त्याने सांगितल्याप्रमाणे ती तो ड्रेस घालून त्याच्या पुढे आली. त्याने तिचा हात पकडत तिला आपल्या मांडीवर बसवले. आधीच तो नशेत होता, त्यात तिच्या सौंदर्याची नशा त्याच्यावर जास्तच चढू लागली होती. जशी जशी रात्र चढत होती, त्याचा जोश वाढत चालला होता. मध्येच त्याच्या ड्रिंकची बॉटल संपली आणि त्याची नशा कमी होऊ लागली.