मिळावे तुझे तुला आस ही ओठी ४२

“मिस्टर राजीव आणि कमल मॅडमचे आपल्या हिंदू कायद्यानुसार ना वैदिक, ना रजिस्टर पद्धतीने लग्न झालेय. मिस्टर राजीव कामानिमित्त बाहेर साईट वर गेले होते. काही दिवस तिथे राहिले होते. कमल मॅडम यांच्या आई साईटवर काम करत होत्या. तिथे कमल मॅडम त्यांच्या लहान भावडांची काळजी घेत होत्या. तिथेच राजीव सरांनी त्यांना बघितले. त्यांना कमल मॅडम काही तासांसाठी हव्या होत्या, पैश्याचे आमिष पण दाखवले पण त्यांच्या घरून नकार आला होता. अर्थातच हे मिस्टर राजीव यांचे नाव लपवून विचारले गेले होते. पण मिस्टर राजीव यांना कमल मॅडम हव्याच होत्या. नकार आल्यामुळे ते आणखीच जिद्दीला पेटले. कमल मॅडमच्या परिवाराची माहिती काढण्यात आली. तर त्यांच्या त्या लोकांमध्ये मुली मोठ्या झाल्या की त्यांना काही पैशांसाठी विकल्या सुद्धा जाते. कमल मॅडमचे वडील खूप लोभी माणूस, ते कमल मॅडमला विकायला तयार झालेत. पण कमल मॅडमच्या आई तयार नव्हत्या. पण नंतर काय झाले माहिती नाही, त्यांच्या आई तयार झाल्या. मिस्टर राजीव यांनी कमल मॅडमसाठी नववधूच्या सर्व वस्तू पाठवल्या, त्या ते घालून आल्यात आणि त्यांची सर्वांसमोर बिदाई झाली. मिस्टर राजीव यांनी त्यांच्या पूर्ण परिवाराची म्हणजे कमल मॅडम यांच्या बहीणभावांच्या भविष्याची जबाबदारी घेतली, म्हणून त्या या लग्नाला तयार झाल्या, एवढे कळले. पण मुळात लग्न म्हणून असे काहीच झाले नाही. मिस्टर राजीव यांना सुद्धा लग्न करायचे नव्हते, पण अचानक ते त्यांना घरी का घेऊन गेले, माहिती नाही. कदाचित त्यांच्या मुलीसाठी केअरटेकर म्हणून पण विचार केला असू शकतो. पण सगळीकडे कमल मॅडम त्यांच्या वाइफ म्हणूनच ओळख आहे.” केतनने त्याला जेवढी माहिती मिळाली होती, ती सांगितली.