मिळावे तुझे तुला आस ही ओठी ४३

“आता दुसरा पुरुष नको. परत तेच, तसे स्पर्श नकोत. मला खूप घाण वाटतात ते स्पर्श, नाही आवडत काहीच.. खूप त्रास होतो, खूप दुखते, वेदना होतात.. बाळ हवे म्हणजे हे सर्व आले. मला आता ते कुठल्याच पुरूषासोबत नको. चांगला, वाईट दुसरा कुठलाच पुरुष नको. खूप थकलीय मी, परत दुसऱ्या कुणाकडून असे काहीच सहन होणार नाही. मला लग्न नको, घर नको की कोणाचे प्रेम नको. भार्गव, मला फक्त माझे हे बाळ हवे आहे.” ती कळवळून बोलत होती. आता तिचा घसा सुद्धा दुखायला लागला होता.
बोलत ती होती पण त्रास त्याला व्हायला लागला होता.तिचा त्रास तो अनुभवू शकत होता. तिला आपल्या कुशीत घट्ट पकडुन तिचा त्रास वाटून घ्यावा, असे त्याला वाटत होते. तिला गोंजरावे, मायेने थोपटावे, वाटत होते. पण तो बांधल्या गेला होता. त्याला असह्य वाटत होते.