मिळावे तुझे तुला आस ही ओठी ४५

“मला ते इथे बाहेर म्हणजे तुमच्या बाल्कनीच्या त्या भिंतीला , म्हणजे ते रमा आजी म्हणाल्या की आता तीन महिने पूर्ण झाले ना, तर आता बाळाला रूप यायला सुरुवात होते म्हणजे ते मोठे व्हायला सुरू होते तर छान छान फोटो डोळ्यांसमोर लाव. ते मी रूममध्ये लावले होते तर ते साहेब रागावले आणि त्यांनी इकडे तिकडे कुठे लावायचे नाही म्हणून सांगितले. ते घराचे इंटेरियर खराब दिसते म्हणून..” बोलतांना तिचा चेहरा कधी खूप उत्साही तर कधी अगदीच पडत होता.
त्या तेवढया संभाषणात पण कितीतरी भाव तिच्या चेहऱ्यावर उमटले होते. तो तेच भाव टिपण्यात हरवला होता.