कथामालिका: मूक स्वरांची साद भाग-१ विषय: चमत्कार विज्ञानाचा

अद्वैतच्या या जिद्दीमागे एक काळी किनार होती. सात वर्षांपूर्वी एका भीषण कार अपघातात त्यांनी आपली पत्नी गमावली आणि त्यांची एकुलती एक मुलगी, स्वरा, 'लॉक्ड-इन सिंड्रोम' (Locked-in Syndrome) च्या जाळ्यात अडकली. स्वरा नावापुर्ती जिवंत होती, तिचे डोळे सर्व काही पाहत होते, तिचे कान सर्व ऐकत होते, पण तिचा स्वतःच्या शरीरावरील ताबा सुटला होता. ती एका जिवंत पुतळ्यासारखी झाली होती. अद्वैत जेव्हा तिच्या बेडपाशी जाऊन बसत, तेव्हा तिच्या डोळ्यांत साचलेले पाण्याचे थेंब त्यांना हजारो प्रश्न विचारत, पण उत्तर देण्यासाठी त्यांच्याकडे काही शब्द नव्हते.