मनातला पाऊस भाग 1

संध्याकाळची वेळ होती. निशा एकटीच अंगणात बाकावर बसलेली होती. मोठा बंगला होता त्यांचा. आजुबाजूला बरेच फुलझाडं, भाजी लावली होती. बागकाम तिची आवड होती. तिथे तिचा वेळ छान जात होता. ही तिची आवडती जागा होती. तिथे बसायला मिळावं म्हणून तिने छोटा बाक तयार करून घेतलेला होता. ती फुला पानांना गोंजारत होती. त्यांच्याशी छान बोलत होती. तेच तर आजकाल तिचे सोबती होते. त्यांच्या सोबत ती खुश असायची.