मोहात अडकवणारा तो एक क्षण ३

"स्वस्तिका"मध्ये सारंगच्या लग्नाची खूप धामधूम सुरू होती. घरातील पहिले लग्न होते. पै पाहुणे जमले होते. तेवढयात बाहेर बँडचा आवाज येऊ लागला. चार दिवसाआधीच कोण वरात घेऊन आले म्हणून सगळे बघायला बाहेर आलेत. तर समोर श्रीमेघ मागे बँड वाजत होता. श्रीमेघ जबरदस्त भांगडा करत होता. त्याला बघून आनंदाने पळत जात सागर पण त्याच्या जोडीने नाचू लागला. कोणीतरी सारंगला सुद्धा ओढत आणले. नंतर घरातील सगळी तरुण मंडळी, लहान मुलं सुद्धा त्यांच्यात शिरली. सगळ्यांची धमाल मस्ती सुरू होती. स्वस्तिकाने सुद्धा जागेवर उभ्या उभ्या दोन चार ठुमके मारले होते. घरातील आनंद द्विगुणित झाला होता.