मोहिनी – अदृश्य संमोहित साम्राज्य (भाग २५)

गुरूदेव उद्विग्न होऊन म्हणाले. शलाकाच्या पायाखालची जमीनच सरकली. आपल्या जीवनसाथीच्या मृत्यूने ती आतून कोलमडली होती. दिग्विजय आणि शाश्वतीने तिला सावरलं; पण का कोणास ठाऊक आज ती दुर्बल दिसत नव्हती. विक्रमचा मृत्यू हे सांगत आहे की आपला मृत्यू जवळ आला आहे, हे तिच्या लक्षात येत होते. आता विक्रमदेवांच्या मृत्यूविषयी शोक करण्यापेक्षा स्वतः यापासून मुक्त होणे जास्त आवश्यक आहे, हे तिने जाणले होते. नाहीतर एकेक करून सर्वांचा जीव जाणार होता. ती गुरुदेवांसमोर हात जोडून बसली.