मोहिनी – अदृश्य संमोहित साम्राज्य (भाग २७)

दिग्विजय तिच्याकडे पाहत म्हणाला. एकच चूक सर्वांच्या नकळत वारंवार होत होती. एखाद्या व्यक्तीशी संवाद साधताना माणूस पटकन त्याच्या डोळ्यात पाहतो आणि ही मोहिनींची सर्वात मोठी ताकद होती. रागिणीच्या डोळ्यांतील संमोहन दिग्विजयवर कधीच हावी झालं होतं. रागिणी उठून उभी राहिली आणि त्याला आपल्यामागोमाग येण्याचा इशारा करून ती बंगल्याच्या बाहेरच्या दिशेने चालू लागली. तोही तिच्या संमोहनाचा गुलाम असल्याप्रमाणे तिच्यामागून चालत होता. त्याला काहीही जाणीव नव्हती, की तो कुठे जात आहे. रागिणीची पावले जलद गतीने दुर्धरवनाच्या दिशेने पडत होती. दिग्विजयने तिच्यामागोमाग चालत काही वेळातच वनाच्या मध्यभागाची सीमा ओलांडली होती. सर्व मोहिनी मध्यभागात एकत्र झालेल्या होत्या. मधुरिमा तलावाकडे उद्विग्नपणे पाहत उभी होती. दिग्विजय त्यास्थानी आल्यावर रागिणीने त्याच्यावरील संमोहन काढून घेतले होते. संमोहन काढून घेतल्यावर त्याच्या प्रचंड प्रभावामुळे तो मूर्च्छित पडला. काही वेळात तो शुद्धीवर येणार होता.

___________________________________
क्रमशः.