मोहिनी – अदृश्य संमोहित साम्राज्य (भाग ३२)

            सिद्धांतही दूरवर जाळ्यात अडकला आहे हे पाहून शलाका विसरून गेली, की तिला सीमारेषेबाहेर उभे रहायचे आहे. मोहिनींच्या संमोहनाला, त्यांनी रचलेल्या मायेला ती फसली होती. तिने सीमारेषेतून आत पाऊल टाकले आणि एकच थरार झाला. सर्व मोहिनी जोरजोरात हसू लागल्या. गुरुदेवांच्या चेहऱ्यावरचे तेज मावळले होते. रात्र आपले रंग दाखवू लागली होती. वातावरण तप्त झाले होते. शलाकाने पुन्हा अरुंधतीकडे पाहिले. तीही त्या हसण्यात सामील होती. सिद्धांतचे रूप घेतलेली वैजयंतीही तिच्या मूळ रूपात आली.