मोहिनी – अदृश्य संमोहित साम्राज्य (भाग ३६)

           रक्तिमा चालत चालत तलावाकाठी गेली. तिथे वृक्षांच्या पानांचा सडा पडला होता. तिने जमिनीकडे पाहून हात दिला. सर्व मोहिनी अजूनही विस्मयकारक नजरेने रक्तिमाकडे पाहत होत्या. अचानक जमिनीतून हात वर आला. ती जमिनीत अदृश्य झालेली प्रभृती होती. हिरव्याजर्द रंगाची वस्त्रे परिधान केली ती गौरवर्णी राजकन्या जमिनीत जणू विरून गेली होती. धरणीला तिच्यापासून विलग करणे कोणालाही सहजशक्य नव्हते. त्यामुळे मोहिनींना प्रभृतीला शोधणे कठीण गेले होते. रक्तिमाच्या हाताला हात देत प्रभृती उठून उभी राहिली. त्या दोघीही एकमेकांकडे पाहत हसत मोहिनींजवळ आल्या.