मोहिनी – अदृश्य संमोहित साम्राज्य (भाग ४४)

वेदश्रीचीही तीच अवस्था होती. नचिकेत आणि सिद्धांतने त्यांना त्या बंगल्यात आल्यापासून काय काय घडलं ते सांगायला सुरुवात केली. कारण ते मनुष्य होते. त्यांच्या विस्मृतीत गेलेल्या गोष्टी त्यांना सहज आठवल्या होत्या. मात्र त्या दोघी मोहिनी होत्या. त्यांच्या राज्ञीच्या वक्तव्यानुसार दुर्धरवनाची सीमा ओलांडताच त्यांच्या स्मृती खोल विस्मृतीत गेल्या होत्या. एवढे सांगूनही त्यांना काहीच आठवत नव्हते. त्या आपल्या मोहिनी स्वरूपाची जाणीव विसरून बसल्या होत्या.