मोकळं आभाळ भाग १५

रेवतीने पुन्हा नव्याने जगायला सुरुवात केली. एका नवीन प्रवासाचा शुभारंभ झाला होता. भूतकाळाला मागे सारून भविष्याच्या दिशेने आगेकूच करत होती. आताशीक कुठे ती मोकळा श्वास घेऊ लागली होती. तिने सारख रडणं आत्ता सोडुन दिल होतं. तिचं विश्व बदलत होतं. सतत होणारी तिची चिडचिड कमी झाली होती. तिने स्वतःला कामात गुंतवून घेतलं होतं. पूर्ण लक्ष कामावर केंद्रित केलं. रेवतीमध्ये एका नवा आत्मविश्वास जागा झाला होता. तो आत्मविश्वास तिच्या कामात, बोलण्या वागण्यात दिसत होता. जणू एक नवीन चैतन्य आलं होतं! रेवतीच्या चेहऱ्यावरचा आनंद तिच्या खळखळून हसण्यात दिसू लागला होता. तिच्यातला बदल सर्वांनाच  जाणवत होता. आणि म्हणूनच की काय सगळ्यांनी मिळून तिच्या सुखाला सुरुंग लावायचं ठरवलं जणु! इतक्यात रेवतीचा संघर्ष कसा संपेल? अजून तिला खूप सहन करायचं होतं. वेदनेचा प्रवास अजून संपला नव्हता. अजून तिला खूप काही पाहायचं होतं., खूप काही सहन करायचं होतं.