मातृदिन भाषण

असं म्हणतात की देव स्वतः सगळीकडे उपस्थित राहू शकत नाही म्हणून त्याने आईची निर्मिती केली. आणि खरंच आहे आई आपल्यासाठी देवा पेक्षा कमी नसते. कारण तीच एक असते जी आपल्यावर जीवापाड आणि निःस्वार्थ प्रेम करत असते. तिच्या कुशीत विसावलं की आपल्या मनाला जी शांती आणि जो धीर मिळवितो. तो जगात कुठेही मिळू शकत नाही.ती वात्सल्याचा निर्मळ झरा असते. तिच्यासाठी आपण तिचे संपूर्ण जग आणि आपल्यासाठी ती जगातील सगळ्यात विश्वासहार्य व्यक्ती असते.आपण किती ही मोठे झालो तरी आपली काळजी करणारी तिचं असते.

आईपुढे देवही नतमस्तक होतात. फक्त आईच असते जी आपल्या मुलाच्या हृदयातील सर्व काही त्याच्या डोळ्यात बघून समजते. मुलाचा प्रत्येक चिंता, त्रास आईला जाणवतो. तेंव्हा आई प्रत्येक वेदना सहन करत असते. आई ही आपल्या मुलाची ढाल असते आणि जगातील कोणतीही समस्या तिच्या मुलाला स्पर्श करू शकत नाही.