मृगजळ आभास भाग 1

लेक...आई मी माझ्या सासूबाईला ह्याच गोष्टी वरून खूप भांडून घर सोडून आले आणि त्यांना सांगितले की मी पुन्हा इथे येणार नाही ,मी मोलकरीण नाही..तुम्ही आणि तुमचे घर आणि सगळा व्याप तुमचा तुम्हीच सांभाळा... हे तूच मला करायला सांगितले होते ,म्हणजे माझ्या सासूबाईला चार दिवसात कळेल की घरात काम किती आहे आणि ते करताना माझी किती फरफट होते , मी किती थकून जाते , आणि तू मला सांगितले की मी सरळ माहेरी निघून येऊ..आणि मी तेव्हा चार पाच दिवस माहेरी निघून ही आले होते..आणि तू सांगितल्या प्रमाणे सासूबाईला घरातील कामाचा व्याप किती असतो हे कळून चुकले होते ,त्यात त्यांची चांगलीच दैन झाली होती...आणि त्यांना त्यांची चूक ही कळली होती..त्यांनी माझ्या नवऱ्याला सांगितले ही मला परत घेऊन ये..पुन्हा तिला काय काम असते ,ती काय काम करते ह्यावर मी कोणतीच तक्रार करणार नाही.. आठवते का तुला आई हे सगळे करायला मला कोणी सांगितले होते...तू सांगितले होते...तुला जर लेकीची किंमत वाढवण्यासाठी ही युक्ती सुचते तर मग हीच युक्ती वहिनीची किंमत वाढवण्यासाठी मला ही सुचली आहे..मी ही तिला सांगते तू ही चांगले महिना भर माहेरी जाऊन ये मग ह्या तुझ्या सासूला तुझी किंमत कळेल..

0