मृत्यूचे गूढ भाग १

"वैदेही, तुला  वाढदिवसाच्या खूप खूप  शुभेच्छा." श्रीधर रावांनी वैदेहीच्या डोक्यावर हात ठेऊन शुभेच्छा दिल्या. वैदेही त्यांची  लाडकी एकुलती एक  लेक दिसायला देखणी आणि तितकीच हुशार.  नुकतच एमबीएचं शिक्षण पूर्ण करून वडिलांच्या कंपनीत जॉईन झाली होती. हा वाढदिवस खूप खास होता, कारण आज वैदेहीचा साखरपुडा होता. श्रीधर रावांचा बालमित्र केशव ह्यांचा एकुलता एक मूलगा राजवीरसोबत साखरपुडा होणार होता.  राजवीर देखील हॅन्डसम होता. वैदेहीला साजेसा असाच होता. दोघांचे स्टेटस देखील समान होते. बाबांची लाडकी लेक वैदेही काही महिन्याने राजवीरची बायको होणार होती.